"Саутгемптон” аъзолари “Лестер” билан учрашувдан кейин хайрияга қўл уришди
28 окт 2019 23:50
Новости

"Саутгемптон” аъзолари “Лестер” билан учрашувдан кейин хайрияга қўл уришди

Англия чемпионатининг 10-тури доирасидаги “Саутгемптон” – “Лестер” баҳсидаги (0:9) қақшатқич зарбадан кейин майдон эгалари кунлик тўланадиган маошларини хайрия йўлида сарфлашди.

Бу қарорга ўйинчилар ҳамда мураббийлар штаби келишган ҳолда қўл урган. Клуб аъзолари шу орқали турли ёш тоифасидаги инсонларнинг ҳаётини спорт билан яхши томонга ўзгартиришга ҳаракат қилувчи Saints Foundation жамғармасига ёрдам бермоқчи бўлган.
Шунингдек, Ральф Хазенхюттль мураббийлигидаги жамоа йирик мағлубиятдан кейин вазиятни ўнглаш мақсадида дам олиш кунларида клуб лагерида ҳам машғулот ўтказганлиги хабар қилинмоқда.
Айтиш жоизки, “Саутгемптон”ни олдинда “Манчестер Сити”га қарши иккита сафардаги баҳс кутиб туриб. Уларнинг биринчиси Англия Лига Кубоги доирасида 29-октябрь куни бўлиб ўтса, навбатдагиси 2 ноябр куни АПЛнинг 11-тури доирасида ўтказилади.

Ссылка :

Источник : southamptonfc.com

Получайте новости прямо в Telegram!

Рейтинг: +1