Саудия Арабистони таркибида Тошкентга келган футболчи ОЧЛ финалининг "Энг яхши футболчиси" деб топилди
13 ноя 2019 08:47
Новости

Саудия Арабистони таркибида Тошкентга келган футболчи ОЧЛ финалининг "Энг яхши футболчиси" деб топилди

Осиё чемпионлар лигаси биринчи финал ўйинида "Ал Ҳилол" ўз майдонида ғалабага эришди.

Саудия Арабистонининг энг номдор клубларидан бири "Ал Ҳилол" бу мавсум ОЧЛ финалига чиқиб, Ар Риёдда кечган биринчи учрашувда Япониянинг "Урава Редс" клубини 1:0 ҳисобида мағлуб этди.

ОФК сайти ўз одатига кўра учрашувнинг "Энг яхши футболчиси"ни аниқлади ва бу номга "Ал Ҳилол"нинг 2-рақамдаги ўйинчиси Муҳаммад Ал Бурайк лойиқ кўрилди. Охирги уч йилда иккинчи бор финалда ўйнаган Ал Бурайк учрашувни аъло даражада ўтказди. Қолаверса айнан унинг етказиб берган тўпи голга айланди. Қизиғи шундаки, икки йил олдинги ОЧЛ финалида ҳам шу футболчи энг яхши деб топилганди.