Саудия Арабистони етакчиларидан бири ЖЧ якуний рўйхатидан чиқариб ташланди
14 ноя 2022 09:16
Новости

Саудия Арабистони етакчиларидан бири ЖЧ якуний рўйхатидан чиқариб ташланди

Саудия Арабистони терма жамоаси футболчиси Фаҳад Ал Муваллад допинг сабаб терма жамоа рўйхатидан чиқариб ташланди.

Март ойида Саудия Арабистони антидопинг ташкилоти Ал Мувалладни 18 ойга четлатганди. Ўшанда футболчидан WADA'нинг тақиқланган моддалар рўйхатида турувчи фуросемид моддаси топилганди. Кейинчалик, ушбу қарор бироз юмшатилган ва футболчига терма жамоа таркибида ЖЧда қатнашиш имконияти берилганди.

Бироқ, уни барибир ЖЧ-2022 учун якуний рўйхатдан чиқариб ташлашди. Саудия Арабистони футбол федерацияси ушбу қарорни "эҳтиёт чораси" сифатида қабул қилган. Ушбу қарорни қабул қилишдан олдин федерация ҳуқуқшунослар билан маслаҳатлашган.

Энди Мувалладнинг ўрнига ЖЧ учун Наваф ал Обид рўйхатга киритилди.

Ссылка :

Источник : RMC Sport

Получайте новости прямо в Telegram!

Рейтинг: +9