Санжар Турсунов: “Сайт бундан ҳам ривожлансин”

У гарчи майдонга тушмаган бўлса-да, охиригача шу ерда бўлди. Санжарнинг championat.asia бўйича фикрлари қуйидагича бўлди.
 
-   Фурсатдан фойдаланиб, севимли сайтим championat.asiaнинг уч ёшга киргани билан чин қалбдан табриклайман. Худо хоҳласа, 30 йиллик юбилей тўйларда қатнашиш насиб қилсин. Сайтнинг ўтган йил ташкил қилган тадбирига ҳам келгандим. Мана бу сафар ҳам вақт топиб келдим. Биламизки, шу йилнинг ёзида сайтнинг номи championat.uz дан championat.asiaга ўзгарди. Телефондан кирувчилар учун янада қулайлик яратилди. Янгиликлар ҳам тез-тез бериб бориладиган бўлди.
 
-   Сизни сайтимизга ҳар куни кирасиз деса бўладими?
-   Албатта. Бўш пайтим бўлди дегунча сайтга кириб хабарларни ўқийман.
 
-   Сайтнинг камчиликлари нима деб ўйлайсиз?
-   Бу менинг соҳам бўлмагани учун бирор нарса дейишим мушкул. Мен ҳам бошқалар қатори championat.asiaнинг оддий ўқувчисиман, холос. Камчиликлари энди сизларга кўпроқ аён бўлса керак.
 
-   Шоу-футболда иштирок этмадингиз, бунинг сабаби нимада?
-   Бироз кеч қолиб келганим учун ўйнай олмадим. Насиб қилса, келаси йил шунақа тадбир ўтказилса, келиб бошидан охиригача тўп тепиш ниятим бор.