Санжар Турсунов: "Ўз ўйинимдан ҳам қониқиш ҳосил қилмадим"
12 сен 2018 12:24
Новости

Санжар Турсунов: "Ўз ўйинимдан ҳам қониқиш ҳосил қилмадим"

Ўзбекистон термаси ярим ҳимоячиси Санжар Турсунов Эронга (0:1) қарши ўртоқлик учрашувидан кейин ўз фикрларини билдирди.

"Ўйин қийин бўлди. Эрон термаси юқори савияли терма эканини яна бир бор кўрсатди. Ўз устимизда кўп ишлашимиз, машғулотларни янада кучайтиришимиз керак экан. Ўз ўйинимдан қониқиш ҳосил қилмадим. Мен терма мураббийи эмасман, шу боисдан ушбу жамоага кимлар керак ёки керак эмаслигини айта олмайман.
Сурияга қарши ўйиннинг видеосини яхшилаб томоша қилдик ва йўл қўйган хатоларимизни ўргандик. Шу боисдан, Эронга қарши баҳсда ўзгаришлар билан майдонга тушдик. Сурияга қарши баҳсда нисбатан бу ўйинда яхшироқ ўйнадик. Аммо боя айтганимдек, ҳали биз ўз ўйинимизни топа олганимиз йўқ", - деди Санжар Турсунов.