Санжар Турсунов: "Келинглар, шу болакайга ёрдам берайлик"

"Кеча мен Абрамбекни кўргани бордим. Ҳозир у Жанубий Кореяда яшаяпти. У пластик маҳсулотлар ишлаб чиқариш заводида ишларди. 10 ой аввал унинг соғлиги кутилмаганда ёмонлашди. 3 ой олдин эса у комага тушиб қолди. Кеча ўзига келди ва шифокорлар у билан кўришиш мумкинлигини айтишди. Абрамбекка имзо қўйилган футбол тўпини совға қилдим ва унга яқин вақт ичида бирга футбол ўйнашимизни айтдим. У билан бирга тўп тепиш учун қўлимдан келганича ҳаракат қиламан.

Мутахассислар ҳамон бу қандай касаллик эканлиги ва бунинг сабабини айта олишмаяпти. У гапирмайди, хатто ўз оғриқларини етказиб бера олмайди, яхши эшитмайди. Даволаниш, дорилар ва парвариш учун кўп пул керак.

Қадрли дўстлар! Келинглар шу йигитга ёрдам берайлик. Дунёда яхши одамлар жуда кўп. Қуйидаги расмда банк ҳисоб рақами ёзилган. Ўша ерга пул ўтказиш мумкин. У сизнинг ёрдамингизга жуда муҳтож!", - деб ёзади Санжар Турсунов фейсбукдаги ўз саҳифасида.