Рюдигер "Жирона" билан ўйинда иштирок эта олади
29 сен 2023 14:47
Новости

Рюдигер "Жирона" билан ўйинда иштирок эта олади

Мадриднинг "Реал" клуби марказий ҳимоячиси Антонио Рюдигернинг жароҳати жамоанинг тиббий штаби хавфсираган даражада жиддий эмас.

Журналист Мелькор Руиснинг маълумотларига кўра, германиялик футболчи енгил жароҳат олган. У Испания чемпионати пешқадами "Жирона"га қарши ўйинга қадар тузалиб кетиши эҳтимоли бор.

"Реал" бош мураббийи Карло Анчелотти кеча "Лас-Пальмас" устидан қозонилган ғалабадан сўнг матбуот анжуманида Рюдигернинг "Жирона"га қарши ўйнолмаслигини айтганди. Бироқ эрталабки тестлар ижобий натижани кўрсатди, бу футболчига баҳсда қатнашиш умидини беради.