Руслан Вагапов: "Локомотив-БФК" шундай курашишини кутгандим"
24 мая 2018 21:34
Новости

Руслан Вагапов: "Локомотив-БФК" шундай курашишини кутгандим"

Ўзбекистон Про-лигаси 11-тури доирасида ўтказилган "Локомотив-БФК" - "Нурафшон" (0:1) жамоалари ўртасидаги учрашувдан кейин меҳмонлар жамоаси сардори Руслан Вагапов ўз фикрларини билдирди.

"Жуда қийин ўйин бўлди. "Локомотив-БФК" таркибида ёшлар ҳаракат қилишини ҳисобга олсак, бугун улар зўр ўйнашди. Ўйинга руҳий томондан яхши тайёргарлик кўра олмадик. Бугун рақибларимизда кўплаб вазиятлар юзага келди. Сўнгги дақиқаларда эса улар 100 фоизлик вазиятни йўққа чиқаришди. Умуман олганда ўйин яхши савияда ўтди.
Фарруҳ Шотурсунов ва Элбек Равшановнинг йўқлиги билинди. Ўйинимиз уларнинг атрофида қурилмоқда. Шу боисдан ҳам бугун кўплаб вазиятлар ярата олмадик. Бугунги ўйиндан кейин биз ўз устимизда янада ишлашимиз кераклиги кўриниб қолди.
Кутгандим, "Локомотив-БФК" шундай курашишини кутгандим. Чунки уларнинг таркибида ёшлар кўп, улар ҳаракатчан бўлишади. Умуман олганда менга "Локомотив-БФК" ёқди. Агарда улар машғулотларда қаттиқ ишлашса, янада яхшироқ жамоага айланишади", - деди Вагапов.