Руслан Аҳмедов: "Бухоро"нинг майдони аъло даражада экан"

"Биринчи ўринда "Бухоро"ни ғалаба билан табриклайман. Ўз майдонида мухлисларига байрам қилиб беришди. Натижа эса адолатли, деб ўйлайман. Стандарт вазиятларда хатоларга йўл қўйдик. Аввал ҳам айтганимдек бугунги кун жаҳон футболида стандарт вазиятлар ўйиннинг тақдирига таъсир ўтказмоқда. Рақиб сафида бу борадаги яхши ижрочи Шавкат Саломов бор",- дейди Руслан Аҳмедов

- Қизил карточкага изоҳ бера оласизми?

- Қизил карточка бўлган вазиятни очиғи кўрмадим. Ўйиндан кейин батафсил вазиятни кўриб изоҳ бериш мумкин. 

- Жамоа 10 киши бўлиб қолганига қарамай ҳимояга ётгани йўқ...

- Футболчилардан ютқазган тақдиримизда ҳам чиройли ўйин кўрсатишни талаб қиламиз. Ўйин дурангга мос тарзда ўтди. Бир очко билан ортга қайтишимиз мумкин эди. Иккинчи даврадан бошлаб академиядан ҳам футболчиларни жалб қилиб борамиз. Улар асосий таркиб аъзолари билан машғулот ўтказишади. 1-2 йил ичида булар яхши шаклланган жамоа бўлади. Эътиборимиз ёшларга қаратилган. 

- "Бухоро"нинг янгиланган майдони ҳақида фикрингиз?

- Майдон сифати аъло даражада. Осиё миқёсидаги ўйинлар ўтадиган ҳолатда.