Роналду Туриндан уй танлади (+ФОТО)

AS нашри берган маълумотларга кўра, кеча Роналду севган қизи Жоржина Родригес билан Туриндаги уйларни кўздан кечиришди. Португалиялик футболчи Мадриддаги уйини эслатувчи, замонавий кўринишга эга виллани танлади.

Маълум бўлишича, "Ювентус" юлдузи боғ, ҳовуз, тренажор залига эга бир эмас, иккита уй сотиб олган. Вилла атрофи дарахтлар билан ўралган ва бу нарса футболчи ва унинг оиласини бегона кўзлардан беркитиб туради. Виллага олиб борувчи кўчанинг бошида қўриқчилар қоровуллик қилишади.

Роналду ва унинг оиласи яшайдиган "маҳалла"да Ferrari компанияси президенти Жон Элканн ҳам истиқомат қилади.