Роналду МЮга қайтиш борасида Алекс Фергюсон билан маслаҳатлашган

Криштиану Роналдунинг МЮга қайтиш тафсилотлари маълум бўлди.

Гап шундаки, МЮ Роналдуга таклиф юборишига айнан  Сэр Алекс Фергюсон сабабчи бўлган. 27 август куни эрталаб, Криштиану Роналду ва Алекс Фергюсон ўзаро телефонда суҳбатлашишган.

Роналдунинг "Сити"га ўтиши ҳақидаги хабарлар фонида Алекс Фергюсон Криштиануга қўнғироқ қилган. Ўша вақтда "Сити" Роналдуга қизиқаётган ягона клуб эди. Сер Алекс Роналдуга қўнғироқ қилганидан кейин, МЮ ишга киришган ва футболчига таклиф юборган.

The Athletic нашрининг маълумотларига кўра, ушбу трансферда катта ролни айнан Сер Алекс Фергюсон ўйнади. Роналдунинг агенти Жорж Мендеш билан яхши алоқалари ҳам Алекс Фергюсонга бу ишни ижобий ҳал қилишда ёрдам берган.