"Реал" - "Ювентус". Пенальти бўлган вазиятга машҳурлар қандай фикрда?

Бироқ икки ўйинга кўра ярим финалга йўлланма олди. "Реал"нинг ягона голи 90+3-дақиқада белгиланган пенальти эвазига киритилди.

Ушбу вазиятга италиялик собиқ ҳакам Грациано Чезари фикр билдирди.

"Такрорий лавҳада Бенатия тўпга ўйнагани кўринди, бундай вазиятда ҳеч қандай фол ва пенальти берилмайди. Ҳакам футболчининг ҳаракатига тўғри баҳо бера олмади. Видеотакрорлар тизими ўша ерда ҳакамларга ёрдам берган бўларди", - деди Чезари.

Бу ҳолатни испаниялик ҳакам Итурральде Гонсалес ҳам муҳокама қилди.

"Бенатиянинг қилган ҳаракати пенальтига тортмасди. Бош ҳакам қарор чиқаришга шошилди. Бу 11 метрлик пенальти эмасди", - деди Иттуральде.

Англиялик машҳур ҳакам Грэм Полл эса шундай деди:

"Оливер ишонч билан пенальти белгилади. Ўз қарорини муҳокама қилмади. Унга "Ювентус" футболчилари қаттиқ босим ўтказишди. У эса Буффонга қизил бериб, босимдан чиқиб кетди. Майкл яхши ҳакам ва у нима қилаётганини билади", - деди Полл.

"Реал" бош мураббийи Зинедин Зидан:

"Пенальти бўлган вазиятни кўрмай қолдим. Ҳакам пенальти белгилади ва қарорини ўзгартирмади. 

Биз ярим финалга чиқдик. Фақатгина ўйин борасида жавоб бераман", - деди Зидан.

"Ювентус" футболчиси Меҳди Бенатия:

"Васкеснинг ёнидан ўтиб, тўпга тегдим. Мен тегганимдан кейин тўп йўналишини қандай ўзгартирганини кўринди. Васкес эса йиқилди. Пенальти йўқ эди", - деди Бенатия.

"Матч ТВ" шарҳловчиси Георгий Черданцев:

"Британча ифлослик. У Буффоннинг ЕЧЛдаги сўнгги ўйинида четлатиб тарихга кирди. Омадсиз. ФУУУУУУУ!", - деб ёзади Черданцев.