"РБ Лейпциг" раҳбарияти Вернернинг жамоада қолишига ишонади

Бу ҳақида Sky Sports нашри "РБ Лейпциг" ижрочи директори Оливер Минцлаффнинг сўзларига асосланиб хабар қилди.

"Мен Вернер масаласида жуда хотиржамман. У жамоани тарк этиш ҳақида гапирмади. Ўйлайманки, буни амалга оширишнинг ҳожати йўқ, чунки унинг 2023 йилга қадар мўлжалланган шартномаси бор", - дейди Минцлафф.

Аввалроқ германиялик ҳужумчи фаолиятини "Ливерпуль" ёки "Реал"да давом эттириши мумкинлиги ҳақида хабарлар тарқалганди.

Маълумот учун, жорий мавсум 36 баҳсда иштирок этган 24 ёшли футболчи 27 гол, 12та ассистни амалга оширган.