Равшан Ҳайдаров мураббийлиги остида Ўзбекистон U-22 терма жамоаси Тошкентда йиғин ўтказади
19 авг 2020 16:45
Новости

Равшан Ҳайдаров мураббийлиги остида Ўзбекистон U-22 терма жамоаси Тошкентда йиғин ўтказади

1999-2000 йилда туғилган футболчилар учун халқаро майдонларда тўп суриш имкониятини яратиш, Миллий терма жамоамизга муносиб номзод футболчиларни етказиб бериш мақсадида Ўзбекистон U-22 терма жамоаси фаолияти йўлга қўйилади.

Ҳозирда ушбу ёш тоифасидаги кўплаб футболчилар турли клублар сафида Ўзбекистон Суперлигасида иштирок этаётганлиги Ўзбекистон U-22 терма жамоасининг таркиб топиши зарур эканлигининг яна бир муҳим омили ҳисобланади.

Ушбу терма жамоага 2021-йил октябр ойида бўлиб ўтадиган U-23 Осиё чемпионати Саралаш баҳсларига таёргарлик кўриш ва унда муносиб иштирок этиш вазифаси юкланади.

Шунингдек, мазкур жамоани шакллантиришда Тимур Кападзе бошчилигидаги U-19 Ўзбекистон терма жамоасининг 2021-йилги U-20 Жаҳон чемпионатида иштирок этиш эҳтимоллиги ҳам ҳисобга олинди.

2022 йилги U-23 Осиё чемпионатига йўлланма қўлга киритилган тақдирда, Ўзбекистон U-22 жамоаси етакчи футболчилари Ўзбекистон U-19 терма жамоасига қўшилган ҳолда Ўзбекистон U-23 жамоаси тузилади.

Ўзбекистон U-22 терма жамоасига бош мураббий сифатида тажрибали мутахассис Равшан Ҳайдаров номзоди маъқулланди. Жамоа вакиллари 31 августдан 5 сентябрга қадар Тошкентда ўқув-машғулот йиғини ўтказади.

Йиғинга чақирилган футболчилар рўйхати:

№	Ф.И.Ш	Туғилган йили	Амплуа	Клуб
1.	Умиджон Эргашев	20.03.1999	Дарвозабон	“Насаф”
2.	Машҳур Муҳаммаджонов	21.02.1999	Дарвозабон	“Насаф”
3.	Азизхон Исақов	23.12.2000	Дарвозабон	“Пахтакор”
4.	Дилшод Саитов	02.02.1999	Ҳимоячи	“Насаф”
5.	Алишер Салимов	22.07.1999	Ҳимоячи	“Пахтакор”
6.	Ҳусниддин Алиқулов	04.04.1999	Ҳимоячи	“Насаф”
7.	Нодирбек Қўйбоқов	02.08.2000	Ҳимоячи	“Сўғдиёна”
8.	Иброҳим Йўлдошев	05.06.1999	Ҳимоячи	“Пахтакор”
9.	Бобуржон Асқаров	09.02.1999	Ҳимоячи	“Локомотив”
10.	Беҳруз Шайдулов	01.12.2000	Ҳимоячи	“Сурхон”
11.	Аваз Ўлмасалиев	27.03.2000	Ҳимоячи	“Локомотив”
12.	Муҳаммадали Намозов	26.10.2000	Ҳимоячи	“Сурхон”
13.	Асадбек Собиржонов	03.08.2000	Ярим Ҳимоячи	“Пахтакор”
14.	Даниэль Насриддинов	08.12.1999	Ярим Ҳимоячи	“Сўғдиёна”
15.	Ҳумоюнмирзо Иминов	15.01.2000	Ярим Ҳимоячи	“Пахтакор”
16.	Акмал Мозговой	02.04.1999	Ярим Ҳимоячи	“Насаф”
17.	Суҳроб Иззатов	15.02.1999	Ярим Ҳимоячи	“Бунёдкор”
18.	Ислом Кенжабоев	01.09.1999	Ярим Ҳимоячи	“Насаф”
19.	Бек Абдуллаев	11.08.1999	Ярим Ҳимоячи	“Қўқон-1912”
20.	Жавоҳир Алижонов	28.01.2000	Ярим Ҳимоячи	“Локомотив”
21.	Камрон Саидазимов	14.02.1999	Ярим Ҳимоячи	“Локомотив”
22.	Жаҳонгир Абдусаломов	21.05.1999	Ярим Ҳимоячи	“Машъал”
23.	Шоҳруҳ Абдураҳмонов	19.07.1999	Ҳужумчи	“Динамо”
24.	Маҳмуд Қудратуллаев	25.05.2000	Ҳужумчи	“Металлург”
25.	Ҳамидулло Абдуҳамидов	23.03.1999	Ҳужумчи	“Қўқон-1912”