BALLON D'OR-2025
23 сен 01:50
Новости
1862 йилда қурилган ва 2000 кишини ўз бағрига сиғдира оладиган ушбу театрда ўтган мавсумнинг энг яхши футболчиси аниқланади ва "Олтин тўп" соврини топширилади. Ушбу маросимни ушбу саҳифада кузатиб боришингиз мумкин. Саҳифани янгилаб туриш эсдан чиқмасин.
01:49. УСМОН ДЕМБЕЛЕ!
01:43. Кечанинг асосий ғолибини афсонавий Роналдиньо эълон қилади.
"Олтин тўп" ТОП-10
10. Нуно Мендеш
9. Доннарумма
8. Палмер
7. Мбаппе
6. Ҳакими
5. Рафинья
4. Салоҳ
3. Витинья
2....
1....
01:35. Айтана Бонмати ("Барселона") энг яхши аёл футболчи деб топилди. Бонмати "Олтин тўп"ни кетма-кет учинчи марта қўлга киритмоқда.
01:25. Саҳнага иккита "Олтин тўп"лар олиб чиқилди. Тез орада уларнинг эгалари номи эълон қилинади. Саҳнада Андрес Иньеста ва бу белги деб ўйлайсизми?
01:00. "Арсенал" аёллар жамоаси (Чемпионлар лигаси ғолиби) ва ПСЖ мавсумнинг энг яхши жамоалари деб эълон қилинди.
00:50. Эва Пахор ("Барселона") ҳамда Виктор Гёкереш ("Спортинг", ҳозир "Арсенал") "Герд Мюллер" (тўпурар) совринини қўлга киритишди. Швед ўтган мавсум 63та гол уришга муваффақ бўлган эди.
00:42. Жанлуижи Доннарумма (ПСЖ, ҳозир "Манчестер Сити") ва Ханна Хэмптонлар ("Челси" ва Англия терма жамоаси) "Яшин соврини"ни қўлга киритишди. Доннарумман ўтган мавсум ЧЛ ғолиби бўлди, Хэмптон эса Англия билан Европа чемпионати ғолибига айланди.
00:29. Луис Энрике (ПСЖ) энг яхши мураббий деб топилди. Аммо айни дамда парижликлар меҳмонда "Марсель"га мағлуб бўлишяпти.
00:23. Сабрина Вигман (Англия аёллар терма жамоаси) энг яхши аёл мураббий деб топилди.
00:15. "Барселона"нинг 19 ёшли аёл футболчиси Вики Лопес ҳам "Копа" совринига лойиқ кўрилди.
00:10. Рафаэл Варан энг яхши ёш футболчига "Копа" совринини топширди. Ушбу совринни ЛАМИН ЯМАЛ қўлга киритди.
00:00. Маросим бошланди.
23:51. ПСЖ юлдузлари маросим бошланишига тайёр, аммо айни дамда ПСЖ Лига1 доирасидаги баҳсда мағлубиятга учраяпти. Биринчи бўлимдан сўнг ҳисоб "Марсель" - ПСЖ 1:0
22:15. Меҳмонларни кутиб олиш жараёни бошланди. Қизил йўлакчада машҳурлар пайдо бўлмоқда. Бу пайтда эса рейтинг эълон қилинди.
21:50. Théâtre du Châtelet театри маросимига тайёр. Меҳмонлар аста-секинлик билан тадбирга ташриф буюришмоқда.
21:30. "Керак бўлса буни 10 марта такрорлайман. Аммо улар бунга тайёр эмас" - Винисиус Жуниор.
Ўтган мавсум соврин учун курашда иккинчи бўлган Винисиус Жуниор бу сафар 16-ўринни банд қилди.
21:15. Навбат 21-25 ўринларни эгаллаганларга.
21:00. FranceFootball бошлади. Кучли 30 ликка кирган дастлабки 5 футболчи номи маълум бўлди.
Похожие новости

Комментарии
Mbappe PSJdan ketib oltin top yutolmadi...
Dembele Barsadan ketib Oltin toʻp yutib ketdi...
Ҳа, юқорида айтганимдек, ғолиб чемпион жамоадан бўлиши керак, фикримча. Энг муҳим сабаб эса футболнинг жамоавий ўйин экани. Сен ҳар қанча зўр бўлишинг мумкин, лекин агар жамоанг ғолиб бўлмаса, сен ҳам ғолиб бўла олмайсан. Зўр мессеж.
Аслида «Олтин тўп»ни ёқтирмайман, бу ҳақидаги баҳслар ҳам ёқмайди. Нега Педри ўнталикдаям йўқ, нега Рафиня атиги бешинчи, тушунмайман ҳеч қачон.
Аммо бугун гап бунда эмас. Мен Дембеле йиғлаганда ҳам, онасини тилга олиб раҳмат айтаётганда ҳам таъсирландим. Билмадим, Месси, Роналду ёки Модричнинг ҳикояси ҳам таъсирли эдими, эсимда йўқ, аммо Усмонникида ҳаёт бор.
Биласизми, тўғри одамлардан, тўғри қарорлардан ҳам зерикади одам. Ҳар ерда ўзини қидиради, ҳаётни излайди. Ҳаётда эса хатолар бор, баланд-пастликлар бор. Футбол фақат меҳнат ёки истеъдоднинг мевасини ейиш эмас, баъзида йиқилиш, туриш, хато қилиш ҳам ўзига жалб қилади гўё. Зиданнинг дубли ҳам, калла қўйиши ҳам тенг даражада буюк воқеалар мен учун. Марадонанинг Англияга урган иккала голи каби...
Усмон ёшлигидан эътиборга тушган, уни Роналду билан ҳам, Азар билан ҳам солиштиришган. Лекин ҳаммаси бир текис кечмади. «Ренн»даги зиддиятлар, кейин «Боруссия»даги исён, Неймарнинг ўрнини босиш учун катта суммага трансфер, ортидан шунга яраша босим, тинимсиз жароҳатлар, якунда Дембеле мем-футболчига айланиб қолганди. У кўп хато қилди, ҳа, лекин жабрини ҳам унинг ўзи чекди, шубҳа йўқ.
Унинг ҳикоясида ҳам ибрат кўп. Ҳеч қачон кеч бўлмаслиги, доим чўққига чиқиш имконияти борлиги, муваффақият ва мағлубият деярли эгизак экани. Эътибор беринг, энг «Олтин тўп» ярашмаган футболчи бўлди-а Усмон? Шунинг ўзи гўзал эмасми? Костюм шимли одамлар шовқин қилиб театрни стадионга айлантиришгани ҳақиқий футбол эмасми? Йигирма саккиз ёшда ёш боладек йиғлаб, ҳаммани йиғлатганичи?
Ўзи лойиқ бўлганини олган одамдан бахтлироқ ким биласизми?
Тавба қилган инсон...
Билмадим, Усмон «Олтин тўп»ни қўлига ушлаб тавба қилгандек туюлди. Унда одатий ғолибларда кўриб юрганим кибрни, ўзидан қониқиш ҳиссини эмас, тавбани кўрдим. Гўё бунга лойиқ эмасдек, ҳаммага раҳмат айтаётганда «Олтин тўп» оғирлик қилаётганди. Кўз олдидан голлари, кимнидир ютаётган ўйини эмас, ҳаётидаги бутунлай бошқа, биз ҳеч қачон билмайдиган воқеалар ўтаётгандек.
Ҳаммамиз футболдан ҳаётни қидирамиз. Ҳар сафар уни топганимиздаги ҳиссиёт энг яхшиси. Бугун ҳам шундай бўлди, менимча.
@aslanov_futbol