Расмий хабар: Ихтиёр Каримов “Шўртан” бош мураббийи этиб тайинланди
26 июл 2016 11:32
Новости
![](https://championat.asia/upload/storage/179811_original.jpg)
![](/upload/storage/179811_220.jpg)
Расмий хабар: Ихтиёр Каримов “Шўртан” бош мураббийи этиб тайинланди
“Оқ бўрилар” жамоаси бир нечта тур давомида очко олишнинг
уддасидан чиқишмади. Шундан сўнг, жамоа маҳаллий мутахассис, асли
ғузорлик бўлган Ихтиёр Каримов бошқарувига ишониб топширилгач,
“Шўртан”нинг ишлари юришиб кетди. Натижада бирин-кетин “Сўғдиёна”,
“Андижон”, “Олмалиқ”, “Обод” ва “Пахтакор” каби жамоалар мағлубиятга
учратилди. Қолган учрашувларда ҳам футболчилар сифатли ва мазмунли
ўйинлар кўрсатишди. Биринчи давра якунлари бўйича жамоанинг Олий
лигадаги иштироки яхши, деб баҳоланди.
Мана шу ижобий ҳолатлар ва
И.Каримонинг иш салоҳияти, малакаси ҳисобга олинган ҳолда унинг
лавозимидаги “вақтинчалик вазифасини бажарувчи” қўшимча олиб ташланди.
Шу йилнинг 20 апрелидан эътиборан “Шўртан” жамоасида вақтинчалик бош
мураббий вазифасини бажариб келаётган Ихтиёр Тоғаевич Каримов клуб
раҳбарияти қарорига кўра, расман бош мураббий этиб тайинланди.
Шундай
қилиб, сўнгги уч-тўрт ой давомида “Шўртан” жамоасига янги бош мураббий
келиши ёки хорижлик мутахассислар иш бошлаши мумкин, қабилидаги турли
гап-сўзларга чек қўйилди.
Ихтиёр Каримовнинг клубда шу кунга қадар
эгаллаб турган ўрнига – яъни техник директорлик вазифасига эса
вақтинчалик ғузорликлар жамоаси мураббийлар гуруҳида кўп йиллардан буён
фидокорона меҳнат қилиб келаётган услубчи мутахассис Алешников Виктор
Гиергиевич тайнланди.
“Шўртан” ПФК матбуот хизмати
Похожие новости
![AMP Logo](https://championat.asia/image/logo-amp.png)
Комментарии