Расман: ЖЧ-2030га Испания, Португалия ва Марокаш мезбонлик қилади. Уругвай, Парагвай ва Аргентина биринчи учрашувларини ўз мамлакатларида ўтказадилар

2030 йилги Жаҳон чемпионати умумий ҳисобда олтита мамлакатда ўтказилади. ФИФА ташкилоти ЖЧ-2030 мезбонлигига Испания, Марокаш ва Португалия мамлакатларини тасдиқлади. Ташкилот бу уч мамлакат тақдим қилган умумий лойиҳани  ғолиб деб топди. 

Бундан ташқари, Жаҳон чемпионатининг 100 йиллиги муносабати билан Уругвай, Аргентина ва Парагвай терма жамоалари биринчи учрашувларини ўз мамлакатларида ўтказадилар. Жаҳон чемпионатининг очилиш ўйинига Уругвай мезбонлик қилади. 1930 йилги Жаҳон чемпионати айнан Уругвай мамлакатида ўтказилганди.

Қолган барча ўйинлар Испания, Португалия ва Марокаш мамлакатларида ўтказилади. Шу тариқа, бу Жаҳон чемпионати учта қитъада ўтказилган тарихдаги биринчи мундиал бўлади.

"Бўлинган дунёда, ФИФА ва футбол бирлашмоқда", -дейди ФИФА президенти Жанни Инфантино ушбу қарор ҳақида.