Рамос бугун тиззасидан операция қилинади. У 6-8 ҳафтани ўтказиб юбориши мумкин

Футболчи бир неча кундан буён тиззасида ноқулайлик ҳис қилмоқда, шу сабаб маслаҳатлашувлардан сўнг операция ўтказишга қарор қилинди. Испаниялик футболчининг тикланиш муддати - 6-8 ҳафта.

Шундай экан Рамос камида 8та ўйинни, шунингдек ЧЛ 1/8 финал доирасидаги "Аталанта"га қарши ўйинни ҳам ўтказиб юборади. У шунингдек Ла Лига доирасидаги "Атлетико", "Реал Сосьедад", "Хетафе", "Валенсия", "Вальядолид" ва "Сельта" жамоаларига қарши ўйинларда ҳам майдонга тушмайди.

Эслатиб ўтамиз, 34 ёшли ўйинчининг "Реал" билан тузган амалдаги шартномаси ёзда якунига етади ва томонлар ҳозирча битимни узайтириш борасида келиша олишмаяпти.