Қозоғистон терма жамоаси футболчиси иккинчи даврани "Андижон"да бошлайди

Суперлига вакили сафига Қозоғистон ёшлар терма жамоаси ва Беларуснинг "Гомел" клубининг 19 ёшли ярим ҳимоячиси Абинур Нуримбет келиб қўшилади. "Андижон" раҳбарияти мавсум старти аввалида ёш футболчиларга таянишини ва клуб ривожланишининг янгича йўлини эълон қилган эди. Айтиш мумкинки, уларнинг янги стратегияси аста-секин ўз самарасини бермоқда. Биринчи даврадаги энг муваффақиятли трансфер 21 ёшли Бектемир Абдуманноновнинг қўшиб олиниши бўлганди. Ёш ярим ҳимоячи айни вақтда гол+пас тизими бўйича чемпионат пешқадами бўлиб турибди. Унга эса Европа клубларидан бир нечта таклифлар бор. 

Шундай экан, қозоғистонлик ярим ҳимоячининг ёш иқтидорларни кашф этаётган жамоада кўриш қизиқ бўлади. Абинур ёш бўлишига қарамай "Гомел"нинг етакчиларидан бири ҳисобланади.