"Қизилқум" футболчисидан антиқа "хет-трик"
22 мар 2018 14:19
Новости

"Қизилқум" футболчисидан антиқа "хет-трик"

Жорий мавсумда Суперлигада ҳали очко олмаган "Қизилқум" жамоаси ҳимоячиси Акмал Рустамов ўтказилган барча ўйинда ўз номини қайдномага ёздириб қўйишга муваффақ бўлди.

Гап шундаки, Акмал Рустамов ўтказилган ҳар учала учрашувда рақибларига нисбатан кўполлик ишлатгани учун огоҳлантириш, яъни сариқ карточка билан сийланди.
Суперлига тарихидаги кетма-кет учинчи беллашувда сариқ карточка олган Рустамов бу борада ўзига хос "хет-трик" қайд этди.

Эътиборлиси, Суперлига тарихидаги илк сариқ карточка ва дастлабки қизил карточка ҳам айнан "Қизилқум" футболчиси Миржалол Қосимовга кўрсатилганди.

Ҳозирча ҳисобига очко ёздириб қўймаган ягона жамоа бўлиб турган "Қизилқум" сариқ карточка, қизил ва кетма-кет огоҳлантиришлар бўйича пешқадамликни ҳеч кимга бермай келмоқда.

Ссылка :

Источник : championat.asia

Получайте новости прямо в Telegram!

Рейтинг: -23