Қирғиз Республикаси термаси бош мураббийи: "Эртага топ-футболчилардан иборат Эронга қарши майдонга тушамиз"
18 ноя 2024 16:30
Новости

Қирғиз Республикаси термаси бош мураббийи: "Эртага топ-футболчилардан иборат Эронга қарши майдонга тушамиз"

Қирғиз Республикаси терма жамоаси бош мураббийи Максим Лисицин ва футболчи Алимордон Шукуров Эронга қарши эртанги баҳс олдидан матбуот анжуманида қатнашди.

"Хабарингиз бор, сафарда қийин ва якунда омадсиз ўйин ўтказдик. Шундай экан, бизнинг асосий вазифамиз йигитларни жисмонан тиклашдан ташқари, уларнинг руҳияти устида ишлаш ва эртанги ўта оғир ўйинга тайёрлаш эди. Эртага биз топ-футболчилардан иборат кучли терма жамоага қарши майдонга тушамиз. Умид қиламанки, футболчиларимиз эртанги баҳсга тайёр!", – деди Лисицин.

"Бундай мағлубиятли олдинги ўйиндан сўнг ўзимизга келишимиз қийин бўлиши аниқ, бу ҳаёт, бу спорт, шунақаси ҳам бўлиб тураркан. Биз мухлисларни шод этиш учун уйда яхши ўйин кўрсатишимиз керак", – деди Шукуров.