ПСЖ УЕФАга "Барселона"га қарши учрашув борасида саккиз банддан иборат бўлган ариза топширди

Франция клубининг эътирози учрашув бош ҳаками Дениз Айтекинга боғлиқ. Испан гранди биринчи баҳсда тўртта гол ўтказиб юборди, иккинчисида эса 6:1 ҳисобида ғалабага эришиб, чорак финалга чиқди. Парижликларнинг фикрича, Айтекин учрашув натижасига таъсир кўрсатган.

Францияликлар УЕФАга қуйидаги вазиятлар борасида эътироз билдиришди:

1.ПСЖдагиларнинг фикрича, Хавьер Маскерано қўл билан ўйнагани учун ҳакам рақиб дарвозасига пенальти белгиламаган.

2. Пике Каванига қарши ишлатган қўполлиги учун унга иккинчи сариқ карточка кўрсатилиши керак эди.

3. Неймар ва Менье ўртасидаги тўп учун курашда ҳакам ПСЖ дарвозасига пенальти белгиламаслиги керак эди.

4. Ҳисоб 3:1 пайтида Неймар Маркиньосни ортидан оёғига зарба берди. Айтекин бу вазиятда Неймарни сариқ карточка билан жазолади. ПСЖдагиларнинг фикрича, бу ҳолатда бразилиялик четлатилиги керак эди.

5. "Барселона" ҳужумчиси Луис Суарес Вератти билан тўп учун курашда симуляция ишлатди ва рақиб жарима майдончаси ичида йиқилиб олди. Ўша вазиятда ҳакам Суаресга сариқ карточка кўрсатган.

6. 78-дақиқада Пике ўз жарима майдончаси ичида тўпни қўл билан ўйнагани учун "Барселона" дарвозасига пенальти белгиланиши керак эди.

7. "Барселона" ҳимоячиси Хавьер Маскерано ўз жарима майдончаси ичида Анхель Ди Марияга нисбатан қўполлик ишлатган. Учрашувдан сўнг Маскерано ҳамюртига нисбатан қоида бузганини тан олди.

8. Ҳакам Суаресга нисбатан ишлатилган қўполлик учун пенальти белгилаб хато қилган. Аслида қўполлик бўлмаган эди.