Превью. "Пахтакор" - "Андижон"

«Пахтакор» (Тошкент) – «Андижон» (Андижон)
7 март 2016. Тошкент. "Пахтакор" стадиони. 17:30
Ҳакамлар: М. Муҳамедов (Тошкент вил.), Д. Сайлалов (Тошкент), А. Сидоров (Тошкент),  Р. Копадзе (Фарғона)
Назоратчи:  Д. Роман (Тошкент).

“Пахтакор” ва “Андижон” олий лигада жами 44 бора тўқнаш келишган. Натижалар “Пахтакор”нинг устунлигини кўрсатмоқда. Тошкентликлар 33та ўйинда ғолиб бўлишган. 8та ўйинда дуранг қайд этилган. “Андижон” ҳисобида 3та ғалаба бор. Тўплар нисбатида ҳам “Пахтакор” олдинда - 110:31. Ўзаро ўйинларда “шерлар” 104 очкони, “бургутлар” эса 17 очкони  қўлга киритган.

“Андижон”нинг ўзаро ўйинларда қозонган энг йирик ғалабаси – 2:1га тенг. “Пахтакор”нинг энг йирик ғалабаси 6:0.

Биринчи даврада водийда ўтган баҳс тақдирини Станислав Андреев томонидан урилган гол ҳал қилган ва “шерлар” сафардан ғалаба билан қайтишган – 1:0. Тошкентда эса “Пахтакор” меҳмонлар дарвозасига жавобсиз 6та гол урганди. Жалолиддин Машарипов, Жавоҳир Соҳибов, Егор Кримец, Игорь Сергеев (2та) ва Анвар Солиев ўз ҳисобларига гол ёзиб қўйишганди – 6:0.

Тошкентда бўлиб ўтган сўнгги беш учрашув:
21.11.2015 «Пахтакор» - «Андижон» 6:0
03.08.2014 «Пахтакор» - «Андижон» 2:0
06.05.2012 «Пахтакор» - «Андижон» 1:0
30.07.2011 «Пахтакор» - «Андижон» 5:1
08.04.2010 «Пахтакор» - «Андижон» 0:0

Ўзаро ўйинлар ҳақида факт: Тошкентда бу жамоалар ўртасида бўлиб ўтган 22та баҳснинг 19тасида “шерлар” ғалаба қозонишган. Учта баҳсда ғолиб аниқланмаган. “Андижон” ўз тарихида ҳеч қачон Тошкентда “Пахтакор”ни мағлуб эта олмаган.  Охирги 4 йилда “Пахтакор” 4 марта ғолиб бўлган.