Превью. "Навбаҳор" - "Пахтакор"

«Навбаҳор» (Наманган) - «Пахтакор» (Тошкент)
20 сентябрь 2015. Наманган. "Марказий" стадиони. 16:30
Ҳакамлар: З. Қодиров (Навоий), А. Снетков (Тошкент вил.), В. Лушин (Гулистон), А. Рахимов (Андижон)
Назоратчи: Р. Серазетдинов (Тошкент).

Бу икки клубнинг йўллари олий лигада 47 бор кесишган. Устунлик “Пахтакор” томонида. 30та ўйинда “шерлар”нинг қўли баланд келган бўлса, 11та учрашувда “лочинлар” ғолиб бўлишган. Олти учрашувда ғолиб аниқланмаган. Тўплар нисбати “Пахтакор” фойдасига. “Шерлар” шу кунга қадар ўзаро ўйинларда 81та гол уриб ўз дарвозаларидан 36 марта тўп олиб чиқишган. Ўзаро ўинларда “Пахтакор” 96 очкони, “Навбаҳор” эса 39 очкони қўлга киритган.

“Пахтакор” олий лигада “Навбаҳор” устидан 7:0 ҳисобида ғалаба қозонган. Бу ўзаро ўйинлардаги тошкентликларнинг энг йирик ҳисобидир. “Навбаҳор”нинг ўзаро ўйинлардаги “шерлар” устидан эришган энг йирик ғалабаси эса 2:0 бўлиб турибди.

Дастлабки даврада Тошкентда ўтган ўйин тақдирини ягона гол ҳал қилганди. Баҳс тугашига 7 дақиқа қолганида Станислав Андреев томонидан киритилган тўп “шерлар”га ғалаба келтирганди – 1:0.

Наманганда ўтган сўнгги беш учрашув:
02.10.2014 «Навбаҳор» - «Пахтакор» 0:1
08.11.2013 «Навбаҳор» - «Пахтакор» 2:2
18.08.2012 «Навбаҳор» - «Пахтакор» 0:1
14.10.2011 «Навбаҳор» - «Пахтакор» 2:0
04.04.2010 «Навбаҳор» - «Пахтакор» 0:1

Ўзаро ўйинлар ҳақида факт: “Навбаҳор” ўз уйида 10 марта бу рақибни мағлуб этган. “Шерлар” Намангандан 9 бор ғолиб бўлиб қайтган. Қолган 4та учрашувда дуранг қайд этилган. Охирги уч йилда “Навбаҳор” ўз уйида “Пахтакор”ни мағлуб эта олмаган.