"Порту" мухлислари "Атлетико"га қарши ўйинда испан шарҳловчиларига ҳужум қилишди

Ҳодиса ўйин охирида содир бўлди. Мадрид клубининг учинчи голидан сўнг бир нечта "Порту" мухлислари Movistar шарҳловчилари Хосе Санчес, Альваро Бенито ва Густаво Лопес ўтирган "Драгау" стадионидаги шарҳловчилар кабинасига бостириб киришди. 

Мухлисларни тинчлантиришга ва хавфсизликни чақиришга уринган шарҳловчиларнинг сўзлари эфир давомида эшиттирилган. 

"Тўртта таъби хира одам бизга ҳужум қилишмоқчи, тўртта ғазабнок одам!", — деди Санчес.

Шарҳловчилар кейинчалик ҳеч қачон бундай ҳодисага дуч келмаганликларини айтишди.