Пито: "Украина ўйиннинг дастлабки қисмида бизга сюрприз тайёрлади"
03 окт 2024 17:01
Новости

Пито: "Украина ўйиннинг дастлабки қисмида бизга сюрприз тайёрлади"

Футзал бўйича жаҳон чемпионати 1/2 финали доирасида Украинага қарши ўйиндан сўнг (3:2) Бразилия терма жамоаси аъзоси Пито сайтимизга интервью берди.

"Украинага қарши жуда оғир ўйин ўтказдик. Рақиб кучли эди. Қолаверса, уларнинг дарвозабони кўп вазиятда жамоаси жонига ора кирди. Бу бизнинг ишимизни қийинлаштирди, аммо якунда ғалаба қозонишга муваффақ бўлдик.
Менимча, ёмон ўйин намойиш этмадик. Ярим финал бўлгани учун ҳам бироз босим бор эди. Қолаверса, Украина жуда кучли жамоа ҳисобланади. Шу боис ўйиннинг дастлабки қисмида рақиб бизга сюрприз тайёрлади ва беллашув давомида қийинчилик туғдирди.
Финалда қайси жамоа рақиб бўлишидан қатъи назар қийин ўйин гувоҳига айланамиз. Ҳозир дам олишимиз ва ҳал қилувчи беллашувга ҳозирлик кўришимиз даркор", деди Пито.

Эслатиб ўтамиз, Бразилия финалда Аргентина — Франция жуфтлиги ғолиби билан тўқнаш келади.

Оқил Абдубарноев суҳбатлашди.

Ссылка :

Источник : championat.asia

Получайте новости прямо в Telegram!

Рейтинг: