Пепе Рейнанинг қайси клубда ўйнашни хоҳлаётгани маълум бўлди

ПСЖ “Милан” посбони Пепе Рейнани ўз сафига қўшиб олишни режалаштирмоқда. Маълум бўлишича, 37 ёшли Рейна ПСЖга ўтиш учун, клубда иккинчи рақамли посбон бўлишга ҳам рози.

Аввалроқ “россонерилар” маошларни камайтириш учун Рейна билан хайрлашишга тайёрлиги билдирилганди. Пепе “Милан”да ҳозир йилига 3 млн евро ишлаб топади.

Футболчи 2020 йил январидан “Астон Вилла”га ижарага берилган. У АПЛда 6 та ўйинда қатнашиб, ўз дарвозасидан 13 та тўп олиб чиқди.