"Пахтакор": Лобанов ва Кримец фаолиятини хорижда давом эттиради

Лобанов Эроннинг энг машҳур жамоаларидан бири "Персеполис" билан 0,5+1 кўринишида шартнома имзолади. 30 ёшли дарвозабон "Пахтакор" тарбияланувчиси саналади. У жамоамиздан ташқари "Сўғдиёна", "Қайсар", "Оқжайиқ", "Бухоро" ва "Жайхун" сафида ўйнаган. Эрон чемпионатида олтин медаллар учун курашаётган "Персеполис"га Саша ёрдам беришга интилади.

Егор Кримец эса "Бейжинг Гоан"га 2 йилга ижарага берилди. У 2013 йил ҳам Хитойнинг ушбу клуби таркибида ўйнаганди. Хитойда янги мавсум март ойида старт олади.

Ҳар икки футболчига янги жамоаларида омад тилаймиз.