Ўзингизни қўлга олинг Забиҳилло ва Достонбек!
13 янв 2018 20:36
Новости

Ўзингизни қўлга олинг Забиҳилло ва Достонбек!

Теги : Ўзбекистон U-23 U-23 Осиё чемпионати

Айни пайтда Хитойда Ўзбекистон U-23 терма жамоаси Осиё чемпионатида иштирок этмоқа.

Биринчи турда Равшан Ҳайдаров шогирдлари Қатарга 0:1 ҳисобида ютқазишди, иккинчи турда эса Ўзбекистон мезбон Хитой устидан 1:0 ҳисобида ғолиб бўлди. 15 январь куни гуруҳ босқичининг 3-турида Уммон билан ўйнаймиз. Мана шу ўйин кўп нарсага ойдинлик киритиб беради. Халқимиз жамоамиздан албатта ғалаба кутмоқда.

Дастлабки турда жамоа етакчиси дея аталаётган Жавоҳир Сидиқовнинг ўйини ўхшамади. Хитой билан баҳсда эса у ўзини қўлга олди ва баҳсда энг яхшилардан бири бўлди. Бироқ терма жамоамизнинг яна икки етакчиси дастлабки икки баҳсда ўзидан кутилган ўйини кўрсата олишмади. Забиҳилло Ўринбоев Ўзбекистон U-23 терма жамоаси сардори ва етакчиси ҳисобланади. У ўз клубида балки ёрқин ўйин кўрсата олмас, аммо терма жамоага кўп фойда келтиради. Таиланддаги ўртоқлик мусобақасининг энг яхши тўпурари бўлган Ўринбоев финалда Японияга 2та гол урганди. Достонбек Ҳамдамов эса якунланан мавсумда "Бунёдкор"нинг ҳақиқий етакчисига айланиб олди. У олий лигада 10дан ортиқ гол урди. Осиё чемпионатининг дастлабки икки турида мана шу футболчилар мухлислар кутган ўйинни кўрсата олишмади.

Олдинда Уммон билан ўйин бор. Кўпчиликнинг истаги шу: Забиҳилло ва Достонбек уйғонинг! Сизнинг вақтингиз келди!