Ўзбекистон U-17 шу ойда Франция, Бельгия ва Шотландия билан ўйнайди
02 окт 2018 15:06
Новости

Ўзбекистон U-17 шу ойда Франция, Бельгия ва Шотландия билан ўйнайди

Отабек Ғуломхўжаев мураббийлигидаги Ўзбекистон U-17 терма жамоаси октябрь ойида Испаниянинг Малага шаҳрида ўтказиладиган халқаро мусобақада қатнашиши ҳақида хабар берган эдик.

Ушбу сафар олдидан терма жамоамиз 3 октябрь куни “Чиғатой” спорт базасида йиғинга киришади. 3 октябрдан 7 октябргача давом этадиган йиғинда Ўзбекистон U-17 терма жамоаси “Локомотив” клубининг ўринбосарларига қарши назорат ўйини ўтказади.

Малагада бўлиб ўтадиган мусобақада Ўзбекистон U-17 терма жамоаси 3 та баҳсда майдонга тушади. 10 октябрь куни биринчи баҳсда вакилларимизга Франция U-18 терма жамоаси рақиблик қилса, 13 октябрь куни Белгияга қарши баҳс олиб борилади. Мусобақадаги сўнгги ўйин 15 октябрь куни Шотландия U-18 терма жамоасига қарши бўлиб ўтади.

Халқаро мусобақа
Малага, Испания
10 октябрь Франция U-18 – Ўзбекистон U-17
13 октябрь Ўзбекистон U-17 – Бельгия U-18
15 октябрь Ўзбекистон U-17 – Шотландия U-18

Ссылка :

Источник : ufa.uz

Получайте новости прямо в Telegram!

Рейтинг: +8