Ўзбекистон терма жамоаси аъзоси Эроннинг "Фулад" клубига ўтишни истамади

Қуйида ушбу интервьюнинг энг асосий қисмини тақдим этамиз.

"Ростини айтсам Осиё Кубогидан кейин менга ҳеч қайси агентлардан таклиф бўлмади. Бироқ ўзимнинг вариантларим бор эди. Мисол учун, Эроннинг "Фулад" клуби менга жиддий қизиқиб қолганди ва шу жамоага ўтишим керак эди. Аммо ўзим бу вариантдан воз кечдим.

Ҳозир ҳам менда Россиянинг биринчи дивизионидан вариантлар турибди. Аммо куни кеча улардан бирининг таклифига рад жавобини бердим. Кучли бешликдаги яна бир жамоанинг таклифи устида бош қотираяпман. Аммо у ерга ҳам бормасам керак.

"Локомотив" мени қўйиб юборишни истамаяпти. Клуб раҳбарлари нима қиласан, биз билан қолгин деб тинмай айтишяпти. Шу боис менимча "Локомотив"да қоламан", - дейди Зотеев "Футбол Экспресс" газетасига берган интервьюсида.