Ўзбекистон аёллар миллий терма жамоаси Эрон вакиллари билан баҳс олиб боради
11 авг 2021 11:37
Новости

Ўзбекистон аёллар миллий терма жамоаси Эрон вакиллари билан баҳс олиб боради

Осиё кубоги-2022 саралаш баҳсларига тайёргарлик кўраётган Ўзбекистон аёллар миллий терма жамоаси Тошкент шаҳрида навбатдаги ўқув-машғулот йиғинини ўтказади.

18-27 август кунлари ташкил этиладиган йиғин доирасида аёллар терма жамоамиз Эрон вакилларига қарши иккита ўртоқлик ўйинида майдонга тушади. Мазкур учрашувлар 23- ва 26 август кунлари «Бунёдкор» стадионида бўлиб ўтади.

Мураббийлар штаби 10 кун давом этадиган ушбу йиғинга 23 нафар футболчини жалб этган.

Маълумот ўрнида, Ўзбекистон аёллар миллий терма жамоаси сентябрь ойида юртимиз майдонларида ўтадиган Осиё кубоги саралаш баҳсларида Жанубий Корея ва Монголия вакиллари билан куч синашади.

Халқаро ўртоқлик учрашувлари

23 август | 17:00

Ўзбекистон – Эрон

26 август | 17:00

Ўзбекистон – Эрон

Ссылка :

Источник : ufa.uz

Получайте новости прямо в Telegram!

Рейтинг: +3