Отабек Ғуломхўжаев Ўзбекистон U-17 терма жамоасига номзод футболчиларни саралаб олади

Отабек Ғуломхўжаев Ўзбекистон U-17 терма жамоаси таркибини шакллантириш учун номзод футболчиларни кузатиш ишларини бошлаб юбориб, 150 нафардан зиёд иқтидорли футболчилар рўйхатини ҳамда йил якунига қадар бўлган иш режасини ЎФАга тақдим этган эди.

Юқоридаги иш режага асосан, мураббий ёш футболчиларни саралаб олиши учун Тошкент шаҳрида йиғин ташкил қилинади. Ушбу йиғин икки босқичда ўтказилиб, ҳар бир босқичда 25 нафардан футболчи назоратдан ўтказилади. Йиғин 5 август кунидан бошланиб,  14 август кунига қадар давом этади. Ёш футболчилар “Бунёдкор” академияси стадионларида машғулот ўтказиб, “Чиғатой” спорт базасида яшашади.