Остон Ўрунов "Урал"даги илк машғулотида иштирок этди

Машғулотлар якунлангач, жамоа матбуот хизмати ҳамюртимиздан интервью олди.

- Екатеринбургда илк машғулотингизни ўтказдингиз. Таассуротлар қанақа?

- Таассуротлар аъло даражада. Тўғриси, ҳали ҳеч кимни танимайман. Аммо кўриниб турибдики, бу ерда яхши атмосфера ҳукм сурмоқда.

- Нега айнан "Урал"ни танладингиз?

- "Урал" – барқарор жамоа. Ўйнашим кераклигини тушуниб етдим. Ҳозир аҳвол бироз оғир, ўйлайманки, ҳаммасини тўғрилаймиз. 

Клуб стадиони ва мухлислари ҳам яхши. Умид қиламанки, ўнгланиб оламан. 

Бир ярим ой индивидуал тарзда шуғулланганиб бордим. "Торпедо"га қарши ўйингача 1 ҳафтадан кам вақт қолди. Худо хоҳласа, ўша ўйинга тайёр бўламан.

Эслатиб ўтамиз, "Урал" кейинги тур ўйинини ўз уйида Ҳожимат Эркинов тўп тепадиган "Торпедо"га қарши ўтказади. Ўзига хос "ўзбек дербиси" Тошкент вақти билан 15:00 га белгиланган.

Аввалроқ Остон Ўрунов Ўзбекистон терма жамоасидан таклиф олгани маълум бўлган эди.