"Остон Ўрунов учун Бундеслига клуби 5 миллион евро таклиф қилмоқда"

Куни кеча "Спартак" бош директори Шамиль Газизов Остон Ўрунов учун чет эл клуби 5-6 миллион евро таклиф қилаётгани ҳақида айтганди. Бу таклиф Германия Бундеслигаси клубидан келган ва 5 милллион еврога тенг.

"Спартак" уни "Уфа"дан сотиб олиб, дарҳол Германия клубига сотиб юбориши мумкин. Айни пайтда ФИФАнинг вақтинчалик қоидаси амал қилмоқда, унга кўра бу йил бир футболчи учта турли клубда ўйнаши мумкин.

Ўруновнинг Бундеслига клубига трансфери нархининг 20 фоизи "Уфа" клубига берилади, бу 1 миллион евро дегани.

Бироқ Газизов Ўрунов ҳақиқий суперюлдуз даражасига чиқа олади деб ҳисобламоқда ҳамда уни ҳозир сотмоқчи эмас. Газизовнинг фикрича ўзбекистонлик футболчи "Спартак"да ёрқин ўйин намойиш этса, трансфер нархи 5 миллион евродан қимматроқ бўлади.