“Оқ-тепа”. Таркибдаги ўзгаришлар ҳақида

Марат Мифтахуддинов бошчилигидаги жамоа аъзолари кунига бир маҳалдан машғулот ўтказяпти. Машғулотларда жисмоний юкламаларга аҳамият берилмоқда. Айтиш керак, таркибда бир қатор футболчилар шуғулланяпти. Хусусан, Виктор Клишин, Нодир Одилов, Азиз Ғуломхўжаев, Никита Ефременко, Иззатилла Абдуллаев, Жаводулла Иброҳимов, Владислав Павловский машғулотларда астойдил шуғулланяпти.

Бундан ташқари, ўтган мавсум “Оқ-тепа” либосида тўп сурган Элёр Жаҳонов, Рустам Дадабоев, Суҳробжон Саримсоқов, Илдар Магдеев, Собир Усмонхўжаев, Темур Яфаров, Жўрабек Собиров, Фарҳод Мирааҳматов, Анвар Раҳимов, Абдужалил Ҳасанов каби ўйинчилар ҳам жамоа билан бирга. Машғулотларда шунингдек, 2015 йил “Оқ-тепа-2” жамоасида тобланган ёш иқтидорли футболчилар ҳам қатнашмоқда.