Оливер Гласнер мавсум охирида "Айнтрахт"ни тарк этади
10 мая 2023 13:20
Новости

Оливер Гласнер мавсум охирида "Айнтрахт"ни тарк этади

Франкфурнинг "Айнтрахт" клуби бош мураббийи Оливер Гласнер мавсум охирида жамоани тарк этиши аниқ.

Бу ҳақида клуб матбуот хизмати хабар бермоқда.

Гласнер 48 ёшда ва Бундеслигада 2019 йилдан буён фаолият олиб бормоқда. Дастлабки икки мавсумни мутахассис "Вольфсбург"да ўтказган, кейинроқ эса "Айнтрахт"га кўчиб ўтган.

Франкфуртликлар билан Оливер Европа Лигасидаги ғалабаси билан ёдда қолди. Ўтган йил май ойида мусобақа финалида "Глазго Рейнджерс" таслим этилганди. Бу соврин ҳозирча Гласнер учун фаолиятидаги ягона кубок бўлиб қолмоқда.

Эслатиб ўтамиз, Германия Кубоги финалида Гласнер "Айнтрахти" яқинда "РБ Лейпциг" билан рўбаро келади. Шундай экан, мураббий мавсумни иккинчи совринни ютиб, якунлаши ҳам мумкин.

Ссылка :

Источник : eintracht.de

Получайте новости прямо в Telegram!

Рейтинг: +1