ОЧЛ-2014. Плей-офф. "Ал Жаиш" "Бунёдкор" билан бир гуруҳда

"Насаф"ни мағлуб этган Қатарнинг "Ал Жаиш" клуби ўз майдонида "Ал Қодисия"ни таслим қилди ва гуруҳ босқичига йўлланма олди. Энди "Ал Жаиш" "B" гуруҳида иштирок этади. Бу квартетда Ўзбекистон чемпиони ва кубоги соҳиби "Бунёдкор" клуби бор. Қолган икки клуб "Ал Фатеҳ" (Саудия Арабистони) ва "Фулад" (Эрон).

Эслатиб ўтамиз, "қалдирғочлар" 11 март куни ОЧЛ гуруҳ босқичи иккинчи турини Тошкентда "Ал Жаиш"га қарши ўтказишади.

Қатарнинг яна бир клуби "Лаҳвия" эса "Локомотив"ни мағлуб этган "Қувайт СК"га ҳеч қандай имконият қолдирмади - 4:1. "Лаҳвия" "C" гуруҳига йўл олди.

Шарқий минтақада Хитойнинг "Бейжин Гоан" ва Австралиянинг "Мельбурн Виктори" клублари гуруҳ босқичига чиқишди.


ОЧЛ плей-офф учинчи босқич натижалари:
15 февраль
Ғарбий минтақа
"Ал Жаиш" (Қатар) -  "Ал Қодисия" (Қувайт) 3:0
"Лаҳвия" (Қатар) - "Қувайт СК" (Қувайт) 4:1

Шарқий минтақа
"Бейжин Гоан" (Хитой) - "Чонбури" (Таиланд) 4:0
"Мельбрун Виктори" (Австралия) - "Муангтонг Юнайтед" (Таиланд) 2:1