RU

Последние новости

00:49Шахзод Азмиддинов "Пахтакор" билан хайрлашди  2 00:15Ўзбекистон U-17 терма жамоаси "Чертаново" билан дуранг ўйнади  6 23:57"Реал" Конатени нишонга олди  2 23:28"Пахтакор" бугун Камолиддин Тожиевни бош мураббий этиб тайинлади, аммо унда Про лицензияси йўқ  1 23:14Расман: "Арсенал" Гёкерешни 63,5+10 млн еврога сотиб олди  3 22:58Гёкереш тиббий кўрикдан ўтди ва "Арсенал" билан шартнома имзолади (Фабрицио Романо)  2 22:35Назорат ўйини. "Нефтчи" ФарДУни аяб ўтирмади, Нимели ва Марушичдан дубль  6 22:17Александар Митрович - "Манчестер Юнайтед"нинг янги мақсади  0 21:45Назорат учрашуви. "Пахтакор" ва "Бунёдкор" жамоалари ўртасидаги ўйинда ғолиб номи аниқланмади  8 21:22"Тоттенхэм" Родриго учун курашга киришди  1 20:47"Манчестер Сити" Эдерсонни сотишга тайёр  2 20:20Ўртоқлик ўйини. "Сурхон" "Бухоро"дан устун келди  7 19:58"Ливерпуль" Англия терма жамоаси вингерини нишонга олди  3 19:00Ўртоқлик ўйини. "Милан" Гонконгда "Ливерпул"ни мағлуб этди  4 18:40"Реал" "Арсенал" билан учрашув учун делегация тайёрламоқда  10

Нўъмон Ҳасанов: "Навбаҳор"да жуда яхши футболчилар жамланган, фақат уларга тўғри пас билан ўйнашни, очилишларни ўргатиш керак" Новости

Нўъмон Ҳасанов: "Навбаҳор"да жуда яхши футболчилар жамланган, фақат уларга тўғри пас билан ўйнашни, очилишларни ўргатиш керак"

Coca Cola Суперлиганинг 14-туридан ўрин олган "Навбаҳор" - "Пахтакор" (1:1) учрашувидан кейин мезбонлар мураббийи Нўъмон Ҳасанов ўз фикрларини билдирди.

"Ўйин бошида ташаббусни рақибга бериб қўйдик. Гол ўтказганимиздан кейин, футболчилар бироз ўзларига келиб, тартибли ҳимояланишди. Танаффус пайтида "Пахтакор"нинг ўйинидан келиб чиқиб, йигитларга кўрсатмалар бердик. Иккинчи бўлимга яхши кайфиятда чиқдик, футболчилар нисбатан фаолроқ тўп суришди. Тўғри, асосан ҳимоявий услубда ўйнадик. Пандемия даврида, касалланганлар учраётган пайтда футбол ўйнаш оғир, шунинг учун шогирдларимга раҳмат айтаман. Сезган бўлсангиз, аксарият шогирдларимиз жисмоний томондан баҳсга тайёр эмас. Қолаверса, жамоамизга ўзаро паслар узатган ҳолда ўйнаш етишмаяпти. Бу борада яна ишлаймиз, олдинда 15 кун вақтимиз бор. Мақсадимиз - футболчилар комбинацион, чиройли ўйин кўрсатишса ва шу тариқа мухлисларни хурсанд қилсак.

"Пахтакор" каби рақибларга қарши секин ўйнаб бўлмайди. Бироз тўхтаб қўйсангиз, тўпни олдиришингиз муқаррар. Кўряпсизлар, "Навбаҳор" асосан муайян футболчилар, дейлик, Азиз Турғунбоев кабиларнинг ҳаракатлари ҳисобига вазиятдан чиқиб кетмоқда. Пасларга асосланган ўйинни кўрмаяпман. Мен комбинацион ўйин тарафдориман, футболчилар майдонда тўп суришдан роҳатлансин дейман. "Пахтакор" футболчиларининг учрашув бошидаги ҳаракатларини кўринглар, ўйинчилар худди шундай, бўш ҳудудларга очилиб, тўпни бир-бирларига аниқ узатган ҳолда ўйнашлари керак. Бизда эса тўпни эгаллаган футболчи уни кимга узатишни билмай қоляпти, қолганларни рақиб қўймоқда. Тўпни олган футболчида 3-4та вариант бўлиши керак, бизда эса битта ҳам вариант йўқ. Вақт етакчи футболчини ахтариш билан ўтиб кетяпти. Шуни тўғри англаган ҳолда, ҳимоявий услуб танлашни маъқул кўрдик.

"Навбаҳор"да жуда яхши футболчилар жамланган, фақат уларга тўғри пас билан ўйнашни, қўрқмай тўп суришни, очилишларни ўргатиш керак. Ахир бу футбол-ку. Сафимизда турли ёшдаги термаларимиз аъзолари бор. Йигитлар машғулотларда айтганларимизни тўғри бажаришмоқда, энди шуни майдонда ҳам кўрсата билишлари лозим", - дейди Нўъмон Ҳасанов.

Ўткир УМАРОВ ёзиб олди.

Рейтинг: +19   

Комментарии

championat.asia
< посмотреть последние новости
Яндекс.Метрика