Нодирбек Абдураззоқов: "Ҳар бир учрашувда ғалаба учун майдонга чиқамиз"
24 авг 14:29
Новости

Нодирбек Абдураззоқов: "Ҳар бир учрашувда ғалаба учун майдонга чиқамиз"

Суперлиганинг 20-туридан ўрин олган ОКМК – "Хоразм" (3:1) учрашувидан сўнг мезбонлар ярим ҳимоячиси Нодирбек Абдураззоқов ўз фикрлари билан ўртоқлашди.

- Ўйин ҳақида...

- Қийин ўйин бўлди. Худога шукур, уч очко насиб қилди.

- "Хоразм" билан икки даврадаги ўйин ҳам машаққатли ўтди...

- Суперлигада осон ўйин қолмади. "Хоразм" тўп билан яхши муомала қилгани учун бироз қийинчилик яратди. Лекин имкониятлардан фойдала олдик.

- ОКМК охирги ўйинларда қимматли очколарни бой берди...

- Бунга аниқ сабаб келтириш қийин. Сабаблар кўп деб ўйлайман. Бу жараённи ортда қолдирдик. Кейинги беллашувларга эътибор қаратамиз.

- ОКМК 4-ўринга кўтарилди. Клуб етакчиларга қарши баҳсларга тайёрми?

- Биз етакчиларга қарши ёмон ўйин намойиш этмаганмиз. Ҳар бир учрашувда ғалаба учун майдонга чиқамиз.