Неймар Бразилия бош мураббийининг гапларидан кейин йиғлаб юборди ФОТО + Видео

Тите матбуот анжуманида Неймарнинг ёнини олиб гапирган эди.

Эслатиб ўтамиз, ОАВда бразилиялик форварднинг ПСЖ устози Унаи Эмери билан кескин муносабатлари ҳақида хабарлар кўпайиб қолган.

25 ёшли футболчи испаниялик мутахассис билан муаммоси йўқлигини ва бундай миш-мишлар унга оғриқли эканлигини маълум қилган.

"Одамлар ҳар доим мен ва Неймар ўртасида муаммо борлигини айтишади. Буни эшитишдан чарчадик. Шуни айтишим мумкин-ки, унда индивидуаллик ва характер бор. Биз идеал эмасмиз, биз одаммиз. Баъзида нотўғри ҳаракат қиламиз. Мен фаолиятим давомида шундай қилганман. Лекин, биз шахслар ва инсон характери ҳақида гапирганда жуда ҳам эҳтиёт бўлишимиз керак. Мен Неймарнинг характери, шахси ва улкан юраги ҳақида гапиришим мумкин", - деб айтган Тите.

Титенинг бу гапларидан сўнг Неймар йиғлаб юборди ва мураббийни қучоқлади. Кейин эса матбуот анжуманини тарк этди.

Видео

TAS-IX

TAS-IX эмас