Неъматилло Қуттибоев: "Захирадан тушган футболчилар биз ўйлагандек ўйинни кучайтира олишмади"

"Бугунги ўйинга тўхталадиган бўлсам, биринчи бўлимда ўзимизнинг хатомиз эвазига гол ўтказиб юбордик. Иккинчи бўлимда жавоб голини урмоқчи эдик. Бугун ҳимоямиз заифлик қилди. "Шўртан" жамоасини кейинги босқичга чиққани билан табриклайман",- дейди Неъматилло Қуттибоев.

- Дастлаб матбуот анжуманига ёрдамчингиз кирди. Кейин вазият ўзгарди. Бу нима билан боғлиқ бўлди?

- Бироз тобим қочган эди. Саволларга ўзим жавоб беришга қарор қилдим.

- Захирадан майдонга тушган футболчиларнинг режаси қандай эди?

- Иккинчи бўлимда асосий футболчиларни тушириб кучайтирмоқчи эдик. Захираларимиз биз ўйлагандек бўлгани йўқ. 

- Захира ҳаками билан кўп мулоқот қилдингиз. Ҳакамликка эътироз борми?

- Менда ҳеч қандай эътироз йўқ. 

- Анвар Бердиев ва Элдор Мойлиев жамоалари ўртасида қандай фарқ кўрдингиз?

- Ҳеч қандай фарқ йўқ. Таркибдаги 70 фоиз футболчилар ўтган йили ўйнаган. "Шўртан" футбол ўйнашга қўйиб берди. Билмадим, бу жамоа бизга ҳар йили ноқулай рақиб бўляпти.