"Навбаҳор" - "Сўғдиёна" учрашуви пайтида ҳеч қачон бўлмаган чиройли воқеа юз бериши кутилмоқда

Бугун илк бор Суперлига ўйини пайтида "Навбаҳор"га атаб ёзилган мадҳияни ўйингоҳга йиғилган мухлислар биргалашиб айтиши кутилмоқда. Мазкур мадҳия матни муаллифи Баҳодир Жўраев. Шоирга "Навбаҳор"га атаб махсус мадҳия ёзгани учун Наманган вилояти ҳокими томонидан 10 миллион пул мукофоти топширилади.

Навбаҳор” 

Биз, Наманган лочини футбол билан яшаймиз, 

Ғолиблик йўли сари олға қадам ташлаймиз. 

Ёмғир ёки иссиқда тўлар ўйингоҳимиз, 

Чунки фахрим “Навбаҳор” - бизнинг жон-у дилимиз. 

 
Нақорат

“Навбаҳор”, “Навбаҳор”, “Навбаҳор” бизга ғалаба даркор, 

Буюк “Навбаҳор”!!! 

Биз доим қувонч билан меҳмонларни кутамиз, 

Меҳнат қилсак албатта, ғалабага етамиз. 

Қани, энди баралла келинг, бирга айтамиз, 

Наманганнинг енгилмас учқур лочинларимиз. 

 

Нақорат 

“Навбаҳор”, “Навбаҳор”, “Навбаҳор” бизга ғалаба даркор, 

Буюк “Навбаҳор”!!!