"Навбаҳор" Черногория терма жамоаси ҳужумчиси билан шартнома тузди
23 июн 2018 21:24
Новости

"Навбаҳор" Черногория терма жамоаси ҳужумчиси билан шартнома тузди

Жорий мавсумда ўз олдига юксак мақсадларни қўйган Наманганнинг “Навбаҳор” клуби айни пайтдаги трансфер “ойнаси”дан самарали тарзда фойдаланишга ҳаракат қилмоқда.

Бугун “лочинлар” янги легионер футболчи билан шартнома имзолашди. Бу черногориялик ҳужумчи Дарко Никач. Мазкур форвард 1990 йилнинг 15 сентябрида таваллуд топган. Ўтган мавсумни Подгорицанинг “Будучность” жамоасида ўтказиб, миллий чемпионат баҳсларида 9та, мамлакат кубоги ўйинларида 3та – жами 12та гол урган. “Будучность” клуби ўтган мавсумда 2-ўринни қўлга киритиб, кумуш медаь соҳибига айланган. Ундан олдинги мавсумда эса мазкур жамоа чемпион бўлган.

Дарко Никач Черногория терма жамоаси вакили ҳисобланади.