"Насаф" – "Моҳун Баган" ўйинига мухлислар киритиладими?

Насаф Карши

Кубок АФК - финальная стадия . Тур Quarter Finals 22/09/2021, 21:00 0 : 6 Завершен

Атл.Колката

45'

90'

Открыть в Матч-Центре

Мазкур ўйинга мухлислар киритиладими? Бу савол ҳамон ўз актуаллигини йўқотганича йўқ. 

Эслатиб ўтамиз, 13 сентябрь куни Championat.asia'нинг "Эшитдик-да!" рукни Осиё Футбол Конфедерацияси бу ўйинга мухлисларнинг киритилишига қарши эмаслиги тўғрисида маълумот берганди. Ўша хабарда барчаси Ўзбекистон Футбол Ассоциациясининг жавоб хатига боғлиқ эканига урғу берилган. 

Кейинроқ сайтимиз манбаларидан бири ЎФА мухлисларнинг стадионга ташрифи масаласида ташаббусни ўз бўйнига олмагани тўғрисида маълумот тақдим қилди. Бироқ, бу хабар ўз тасдиғини топмагани учун эълон қилмагандик. 

Хабарингиз бор, бугун ушбу масалада янги хабар эълон қилинди. Унга кўра, Республика махсус комиссияси 2021 йилнинг 20 сентябридан (бугун) спорт мусобақаларини очиқ майдонлар ҳамда ёпиқ мажмуаларда ўтказишга рухсат берди. Яъни, футбол учрашувларига карантин қоидаларига қатъий риоя этилган ҳолда мухлисларнинг ташриф буюришлари мумкин бўлади. 

Шундан кейин "Насаф" ва "Моҳун Баган" ўртасидаги ўйинга томошабинлар киритилиши ёки йўқлиги билан қизиқдик ва ЎФА биринчи вице-президенти Равшан Эрматов билан боғландик. Равшан Сайфуддиновичнинг маълум қилишича, ОФКнинг мурожаатига (13 сентябрь куни сайтимизда эълон қилинган) жавоб хати бугун юборилган (мамлакатимизда карантин қоидалари юмшатилганидан кейин). 22 сентябрь куни "Марказий" стадионга ишқибозларнинг киритилиши ОФКнинг тасдиғига боғлиқ. Кўп эҳтимол билан, ташкилот бунга қаршилик кўрсатмаса керак.