“Насаф” Бердиев бошчилигида илк марта “Олмалиқ”ни мағлуб этди

2012 йили Бердиев “Насаф”ни биринчи давранинг ярмигача бошқарган кейинчалик истеъфога чиқарилиб, мавсум охирида яна жамоани қабул қилиб олганди. Ўша мавсумда “Насаф” Усмон Тошев мураббийлигида Қаршида “Олмалиқ”ни мағлуб этгганди. Кейинчалик 2013 ва 2014 йилги мавсумларда “Насаф” Бердиев мураббийлигида “Олмалиқ” жамоаси билан Қаршида ҳам, Олмалиқда ҳам дуранг натижа қайд этди. Жорий мавсумнинг биринчи даврасида эса “Насаф” ўз тарихида илк марта “Олмалиқ”қа мағлуб бўлди (0:2). Кеча ўтказилган Олий лиганинг 17-турида “Насаф” Қаршида “Олмалиқ”ни таслим этиб (2:0), уч йиллик қора анъанага барҳам берди. Шунингдек, Бердиев “Насаф” билан олтинчи уринишда Шквирин жамоасидан уч очко ишлашга эришди.

Рўзиқул Бердиев қўл остида жамоамизнинг “Олмалиқ” билан қайд этган натижалари:


2013 йил.
“Насаф”  - “Олмалиқ” 2:2.
“Олмалиқ” – “Насаф” 2:2.
 
2014 йил.
“Олмалиқ” – “Насаф”1:1.
“Насаф” – “Олмалиқ” 2:2.
 
2015 йил.
“Олмалиқ” – “Насаф” 2:0.
“Насаф” – “Олмалиқ” 2:0.