МЮ собиқ футболчиси: "Челси"да Поттер услубига мос келадиган ўйинчилар йўқ"
23 дек 2022 13:00
Новости

МЮ собиқ футболчиси: "Челси"да Поттер услубига мос келадиган ўйинчилар йўқ"

"Манчестер Юнайтед" собиқ ҳимоячиси Пол Паркер "Челси"даги вазият ҳақида фикрлари билан ўртоқлашди.

"Тўғрисини айтсам, "Челси"га ҳаддан ташқари баҳо берилган деб ўйлайман. Нега улар Калиду Кулибали билан шартнома имзолаганини ҳалигача тушунмайман. У "тахта" ва ҳеч нарса қила олмайди.

Уларда қойилмақом дарвозабон ёки ажойиб марказий ҳужумчи йўқ. Н'Голо Кантенинг гуллаб-яшнаган даврини аллақачон ортда қолган, Жоржиньо эса умуман ҳеч нарса кўрсатмайди. Уларнинг кучли тўртлик учун курашишга қодирлигига кўзим етмаяпти.

Ярим ҳимояда креативлик етишмаяпти. Мэйсон Маунт одамлар у ҳақида нотўғри ўйлашаётганини исботлаши учун ҳали кўп иш қилиши керак.

Менимча, таркибда Грэм Поттер ўйин услубига мос келадиган биронта ҳам футболчи йўқ", – деди Паркер.

Ссылка :

Источник : Metro

Получайте новости прямо в Telegram!

Рейтинг: +2