"Мумбай Сити" устози: "Гуруҳ босқичида ҳеч бўлмаганда бир очко қўлга кирита олмаганимиз аламли"
05 дек 2023 10:11
Новости

"Мумбай Сити" устози: "Гуруҳ босқичида ҳеч бўлмаганда бир очко қўлга кирита олмаганимиз аламли"

ОЧЛ 6-туридан ўрин олган "Мумбай Сити" – "Навбаҳор" (1:2) учрашувидан кейин мезбонлар бош мураббийи Энтони Фернандеш фикрларини билдирди.

"Менимча, йигитлар бугун яхши ўйин намойиш этишди. Гуруҳ босқичида ҳеч бўлмаганда бир очко қўлга кирита олмаганимиз аламли. Қитъа миқёсидаги турнирда 90 дақиқа давомида диққатни жамлаш керак.

Биз жуда кўп вазият яратдик. Бизга етишмаган ягона жиҳат ҳужумларни якунига етказиш бўлди. Бироқ ушбу ўйиндан ўзимиз учун кўп ижобий жиҳатларни аниқлаб олдик.

Ҳиндистон жамоаси учинчи марта мазкур босқичда иштирок этмоқда. Ривожланиш аста-секинлик билан содир бўлади. Биз ортга кетмаяпмиз, аксинча, ҳар куни маҳоратимизни ошириш йўлида изчил қадамлар ташлаяпмиз. Ҳиндистон жамоалари келгусида жуда яхши ўйин намойиш эта бошлайди", – деди Фернандеш.

Ссылка :

Источник : Championat.asia

Получайте новости прямо в Telegram!

Рейтинг: +3