Испания Суперкубоги учрашувлари санаси маълум

"Атлетико" – "Реал" учрашуви 8 январь куни Саудия Арабистонининг Жидда шаҳрида бўлиб ўтади. Испания футбол федерацияси (RFEF) турнир учун таркиб ва жойни расман тасдиқлади.

Мусобақа қатнашчилари:

"Барселона" – Испания чемпиони ва Испания Кубоги соҳиби;

"Реал" – Испания вице-чемпиони ва Испания Кубоги финалчиси;

"Атлетико" – Испания чемпионати 3-ўрин соҳиби;

"Атлетик" Бильбао – Испания чемпионати 4-ўрин соҳиби.

Ярим финал жуфтликлари:

7 январь: "Барселона" – "Атлетик" Бильбао

8 январь: "Атлетико" – "Реал" 

Финал 11 январь санасига белгиланган.

Турнир формати

Суперкубок "Тўртлик финал" форматида ўтказилади: иккита ярим финал ва финал. Агар асосий вақт дуранг билан тугаса, жамоалар қўшимча вақт ўйнайди, кейин тақозо этса, пенальтиларга мурожаат қилинади.