Муҳсин Низомиддинов: "Ҳамма вазиятларни гол билан якунлаганимизда, ҳисоб бошқачароқ кўриниш касб этган бўларди"
04 сен 2023 00:52
Новости

Муҳсин Низомиддинов: "Ҳамма вазиятларни гол билан якунлаганимизда, ҳисоб бошқачароқ кўриниш касб этган бўларди"

Про лига 16-туридан ўрин олган "Қўқон-1912" - "Андижон-SGS" (5:3) учрашувидан сўнг мезбонлар бош мураббийи Муҳсин Низомиддинов матбуот анжуманида қатнашди.

- Ўйин ҳақида

- Ўйин мен кутгандек бўлди. Об-ҳаво ҳам шунга яраша бўлди. Беш-олтита ажойиб имкониятимиз бўлди. Ҳамма вазиятларни гол билан якунлаганимизда, ҳисоб бошқачароқ кўриниш касб этган бўларди.

- Биринчи тайм рақиб яхши ҳаракат қилди. Иккинчи бўлимда эса "Қўқон-1912" жамоаси ташаббусни қўлига олди. Бироқ ҳимоячилар ва дарвозабонимиз бугун унчалик ҳам яхши ҳаракат қила олишмади. Бу камчиликлар устида ишлаш керакмикан?

- Тўғри айтасиз, бу шунақа ўйин. Суперлига ва Про лигада финишга қараб кетиляпти. Кучсиз жамоанинг ўзи йўқ. Футболда 16 ёшли ўйинчи ҳам футболчи, 40 ёшли ўйинчи ҳам футболчи. Бизда ҳимоя, ҳужум ва ярим ҳимояда муаммо бор эди. Деярли ярим жамоамиз бу ўйинга иситма билан чиқди. Уларга раҳмат айтамиз. Ҳимояда кичик тартибсизлик бўлди. Хатолар устида албатта ишлаймиз. Йигитлар касал ҳолларида ҳам шунчалик ўйин кўрсатишди. Анвар Хожимирзаев тўртта гол урди, унда яна тўртта гол уриш имконияти бўлганди. Ўз соғлиқларини кейинги ўринга қўйиб, жамоа учун чиқиб майдонда тер тўкканлари учун йигитларга раҳмат айтаман.

Ссылка :

Источник : championat.asia

Получайте новости прямо в Telegram!

Рейтинг: